2 Samuel 21
Gibeon-te Phulakna
1David uk hun sungin kum thum kizomin kialpi a tung hi; tua ciangin David in TOPA a dong hi. TOPA in, “Tua in Saul le a sisan luansakte hang hi a; tua in Gibeon mite a thahna hang ahi hi,” a ci hi. a 2 Kumpipa in Gibeon-te samsak-a amaute a hopih hi. (Tu-in Gibeon-te Israel pan hi loin a om laisun Amor-te ahi uh hi; Israel-te in amaute hawi dingin a ciamsa uh hi napi Saul in Israel le Judah a deih sakluatna hangin amaute thah siang ding a hanciam hi.) 3David in Gibeon-te kiangah, “No adingin bang kong hihsak ding hiam? TOPA gouluah thupha na piak theih nadingun bangci bangin hong puahkik ding ka hi hiam?” ci-in a dong hi. b 4 Gibeon-te in, “Kote in Saul ahi kei leh a innkuanpihte tungah ngun le kham ahi-a, Israel sungah khatpeuh thah nading ahi zongin kalh theih nading thu ka nei kei uh hi,” ci-in a dawng uh hi. David in, “No adingin bang hong hihsak leng deih na hi uh hiam?” ci-in a dong hi. 5 Amaute in kumpipa kiangah, “Kote hong siasak a, kote simangin Israel sungah mun khat beek a nei lo dingin hong sawmsimpa, 6ama suante pasal sagih ko hong kipia henla, TOPA teelsapa - Saul neihsa Gibeaha TOPA mai-ah kipholak hen,” ci-in a dawng uh hi. c Tua ciangin kumpipa in, “Amaute no kong pia ding hi,” a ci hi. 7 TOPA mai-ah Saul’ tapa Jonathan le David a kiciamna uh hangin kumpipa in Saul tapa Jonathan’ tapa Mephibosheth a siit lai hi. 8Ahi hangin kumpipa in Aiah’ tanu Rizpah tawh a neih a tapa nihte: Armoni le Mephibosheth le Saul’ tanu Merab ▼▼21.8 Hebrew khutgelh nih, Septuagint khutgelh pawlkhat le Syriac (1Sa. 18:19 zong en in); Hebrew le Septuagint khutgelh khempeuh ah Michal
in Meholah-te Barzillai’ tapa Adirel tawh a neih a tapa ngate a la hi. 9Amah in Gibeon-te tungah amaute piakhia a, amaute in mual-tunga TOPA mai-ah amaute thatin a pholak uh hi. Amaute a sagih un sikhawm uh hi; mangbuh-ham lak kipattung anlak kipat ni-in amaute kithat hi. e 10 Aiah’ tanu Rizpah in ippi puan la a, amahmah in suangtum khat tungah a phah hi. Amah in anlak tunga kipan misi luangte tungah guah a kisunsuk dong, sunin huihlak vasate ahi-a, zanin gamlak gamsate ahi zongin a sukhasak kei hi. 11Aiah’ tanu Saul zino Rizpah in tua banga a hihlam David kiangah a kigen ciangin 12amah pai-in Jabesh Gilead khua mite tung panin Saul le a tapa Jonathan guhte a la hi. (Philistia-te in Gilboa tungah Saul a sattuk khit uh ciangin amaute a khaina uh Beth Shan a mipi tual-awng pan amaute in a lakkhiatsim uh ahi hi.) 13David in Saul le a tapa Jonathan guhte tua panin pua-a, kithata a kipholakte’ guhte kaikhawmin a gawmkhawm hi. f 14 Amaute in Benjamin a Zela a Saul’ pa Kish hanah Saul le a tapa’ guhte phum uh a, kumpipa thupiak khempeuh a hih uh hi. Tua khit ciangin Pasian in tua gam adingin a thungetna uh a dawng hi. g Philistia-te tawh Kidonate
15 Khatvei Philistia-te le Israel-te a kido kik uh hi. Philistia-te sim dingin a mite tawh David kuansuka amah a thabei mahmah hi. 16Rapha’ suante khat, a teipi paak sumngo shekel ▼▼21.16 Tua in pound 7 ½ bang (kilogram 3.5 bang)
zaguk gika namsau thak khat a keng Ishbi-Benob in David ka that ding hi, a ci hi. 17Ahi hangin Zeruiah’ tapa Abishai in David hu a; Philistia-pa sattukin a that hi. Tua ciangin David mite in, “Israel-te meivak a mit loh nadingin galsim dingin ko tawh nong kuan khawm ngei nawn tak leh,” ci-in a kiciam uh hi. i 18 Hih hun khit ciangin Philistia-te tawh kidona khat a om kik hi. Tua hunin Hushah mi Sibbecai in Rapha suante khat Saph a that hi. 19 Gob a Philistia-te tawh kidona dang khatah Bethlehem mi Jaare-Oregim ▼▼21.19 Ahikeh siamganpa Jair’ tapa
’ tapa Elhanan in a teipi bul siam lawngpi tawh a kibang Git-te Goliath ▼▼21.19 Hebrew le Septuagint; 1Kh. 20:5 Jair’ tapa in Goliath’ sanggampa Lahmi that hi.
a that hi. l 20 Gath a kidona a dang khat lai ah, mi gol mahmah khat a khut langkhat ah khutme guk tuak nei a, a khe langkhat ah kheme guk tuak nei in - a vekin sawmnih le li ahi hi. Amah zong Rapha suante pan mah ahi hi. 21Amah in Israel a phin ciangin David sanggampa Shimei’ tapa Jonathan in a that hi. m 22 Hih lite, Gath a Rapha’ suante hi a, amaute David le a mite khutin a puk uh hi.
Copyright information for
ZomZIV